（是齣遊戲打渾，原無定準，不拘丑副，聽其所長。說白小曲，亦可隨口改易。）（丑嗽上）兀嚇我來叉一齣拉哈哉▲。

【四邊靜】終日街坊閑蕩奔，斂臉皮▲猻，渾名叫瞎雞，綽號柳樹精，搖頭額頸，無人作准。日裏挑水賣，夜頭看巷門。

區區學生賈志誠，字背黨裏過光陰。混堂裏是我安身之處，賭場中纔說我是吃白食個光棍。個兩日（隨口說）厾搬場，叫我相帮相帮，弄得身上灰塵白蓬。我說混堂裏去濊一個放湯浴勒介，囉里曉得時運來推弗開，煠熟蟹爿子屋裏來河裏濊個浴，▲袋頭浪帶子鰻鯉來。一進進子個外窰門▲，拍撻一個大跟多；個一個跟多跌出大時運來哉連忙爿起來，只看見一根串頭繩對子我竅勒竅，我就兩個指頭一杌杌得起來，原來是銅錢。浴纔弗濊哉，着子衣裳就走。一走走到無人場哈，數介數，岡岡三十七個老黃邊，弗知是囉裏個個小兄弟突厾個我說夜哉金剛脚跟頭去儻俚個一忽介，吓嗄，頭困子下去，脚竅子起來哉；脚困子下去，頭竅子起來哉，眞正弄得我是介頭竅尾竅。我想大約是個兩個銅錢拉厾作怪哉，我說：銅錢，㕶弗要作怪，等我明朝出脫㕶嘿哉。咦，出脫兩個字弗曾說完，一忽直困到大天白亮。